As ideas que nos fai chegar a cidadanía por correo, WhatsApp, redes ou en persoa, e o que facemos con cada unha.
4 propostas recibidas
Mobilidade
Os venres e sábados pola noite non hai forma de volver á casa dende o centro sen coche ou taxi. Un bus nocturno con poucas paradas daría moita seguridade, sobre todo á xente nova.
Resposta: Estamos a analizar percorridos e custos con persoas expertas en transporte urbano. Contarémosche aquí a conclusión.
Eixo do programa: Unha cidade que funcione
Medio ambiente
No verán é imposible sentar en moitas prazas porque non hai nin unha árbore. As persoas maiores non teñen onde descansar cando van facer recados.
Resposta: Incorporámola ao plan de sombra e arborado: priorizaremos as prazas con máis persoas maiores e máis horas de sol.
Servizos sociais
En Marrozos e noutras parroquias non hai ningún servizo para nenos e nenas polas tardes. As familias temos que baixar todos os días á cidade.
Resposta: Integrada na rede de centros socioculturais: abriremos espazos de tarde nas parroquias rurais, comezando polas que teñen máis poboación infantil.
Eixo do programa: Unha cidade innovadora
Mobilidade
Propoño que se poida aparcar de balde en calquera rúa da zona vella para que veña máis xente ao comercio.
Resposta: Non encaixa coa protección do casco histórico nin coa prioridade peonil. En troca, propoñemos aparcadoiros disuasorios con bus lanzadeira e máis facilidades de carga e descarga para o comercio.
Eixo do programa: Unha cidade que funcione